ကမ္ဘာပျက်ကပ်မှာကျွန်တော်ဆေးခန်းတစ်ခုဖွင့်ခဲ့တယ်
စာရေးသူ မသိ
ပြီးဆုံးပြီSci-fiAdventureShounen ai
ဝမ်ချင်လင် (Wen QingLing) သည် သစ်ပင်စွမ်းအားနှင့် စိတ်စွမ်းအားကို ပိုင်ဆိုင်ထားသူ တစ်ဦးဖြစ်သော်လည်း အရေးကြီးသည့် အချိန်အခိုက်အတန့်တွင် သူ့ဝမ်းကွဲညီအစ်ကို၏ သစ္စာဖောက်မှုကြောင့် ဇွန်ဘီ (Zombies) များရှေ့သို့ တွန်းပို့ခံခဲ့ရကာ အကိုက်ခံရပြီး အဖော်များကလည်း စွန့်ပစ်သွားခဲ့ကြသည်။ ထို့ကြောင့် သူသည် ကံကောင်းသည့်နေရာ တစ်ခုခုတွင် သေဆုံးရန် ဆုံးဖြတ်ခဲ့သည်။
သို့သော် သူ မသေဆုံးသွားဘဲ သူ့ပတ်ဝန်းကျင်ရှိ ဇွန်ဘီများသာ သေဆုံးသွားခဲ့ကြသည်။
ဝမ်ချင်လင် တစ်ယောက် ဇွန်ဘီ တစ်ကောင်အဖြစ်သို့ ပြောင်းလဲသွားခဲ့သော်လည်း သူက ဗီဇပြောင်းလဲမှု (Mutate) ဖြစ်သွားခဲ့သည်။ သူသည် အသက်ရှူနိုင်သည်၊ နှလုံးခုန်သည်၊ သတိလက်လွတ် မဖြစ်ဘဲ လူသားများနှင့် အတူတူပင် ဖြစ်နေသည်။ ဇွန်ဘီများကို အမိန့်ပေးနိုင်စွမ်းရှိပြီး၊ သူ၏ ဒဏ်ရာများသည်လည်း အလိုလို ပျောက်ကင်းနိုင်ကာ သူ၏ သွေးစက်များကျရာ နေရာတိုင်းတွင် အသက်ရှင်သန်မှုများ ပြန်လည်ရှင်သန်လာစေနိုင်သည်။
ဝမ်ချင်လင်သည် အိမ်သို့ ပြန်သွားပြီး သူ၏ ဇွန်ဘီမိဘများကို အသိစိတ်ပြန်ဝင်လာစေရန် ကူညီပေးခဲ့ကာ ပုပ်ပွနေသည့် သူတို့၏ ခန္ဓာကိုယ်များကို မူလအသွင်အပြင်အတိုင်း ပြန်လည် ဖန်တီးပေးခဲ့သည်။
ထို့နောက် သူတို့သည် ဇွန်ဘီမြို့တော် (City of Zombies) တွင် ဆေးခန်းတစ်ခုကို ဖွင့်လှစ်ခဲ့ကြပြီး ဇွန်ဘီများ သို့မဟုတ် ကူးစက်ခံထားရသူများကိုသာ ကုသပေးကြသည်။ ကုသခအနေဖြင့် ဇွန်ဘီများ၏ အူတိုင် (Nuclei) များကိုသာ တောင်းခံသည်။
ဇွန်ဘီမြို့တော်တွင် အသက်ရှင်လျက် ရှိနေကြသူများ ရှိနေသည်ဟူသော သတင်းသည် မီးလောင်ရာလေပင့် ဆိုသလို ပျံ့နှံ့သွားခဲ့ရာမှ...
လူတစ်ယောက်က "ဇွန်ဘီတွေကိုပဲ ကုပေးတဲ့ ဆေးခန်းတစ်ခု ရှိတယ်" ဟု ဆိုသည်။
နောက်လူ တစ်ယောက်က "ကူးစက်ခံရသူတွေကို ကုသပေးနိုင်တဲ့ ဆေးဆရာဝန် တစ်ယောက် ရှိတယ်" ဟု ဆိုသည်။
တခြားသူ တစ်ယောက်ကလည်း "အဲဒီမှာ ရှင်သန်နေတဲ့သူတွေ အားလုံးက ဇွန်ဘီဖြစ်သွားပြီးမှ ပြန်လည်ကယ်တင်ခံရတဲ့သူတွေချည်းပဲ" ဟု ဆိုကြသည်။
ရှင်သန်ကျန်ရစ်သူများမှာ ရူးသွပ်သွားကြပြီး အံ့ဖွယ်အမှုတစ်ခုကို မျှော်လင့်ကာ ဇွန်ဘီဖြစ်သွားကြသော မိမိတို့၏ ဆွေမျိုးသားချင်းများကို လိုက်လံရှာဖွေကြပါတော့သည်။
ဤစာအုပ်နှင့် ပတ်သက်၍ ထပ်မံသိရှိလိုသည်များ သို့မဟုတ် ဘာသာပြန်ဆိုပေးရမည့်
