ဘာပဲဖြစ်ဖြစ် သူက ဒါကို အသက်သွင်းပြီးသွားပြီဖြစ်တဲ့အတွက် ဘာမှ ပြန်လုပ်လို့မရတော့ပေ။
"အံ့ဩစရာမရှိတော့ပါဘူး၊ ရှင်က တစ်ညလုံး တစ်နေကုန် အနားမယူဘဲ သုံးရက်တိုင်တိုင် လုပ်နိုင်ခဲ့တာကိုး။ ဝန်ခံရရင် ရှက်စရာကောင်းပေမဲ့ ရှင်နဲ့ ပထမဆုံးအကြိမ် ဖြစ်ခွင့်ရတဲ့သူက ကျွန်မ မဟုတ်ခဲ့ရလို့ ကျွန်မ မနာလိုဖြစ်မိတယ်" ဒီအချိန်မှာ စုလင်း ဟာ အေးစက်တဲ့ ရေခဲဘုရင်မတစ်ပါးနဲ့ လုံးဝမတူတော့ပေ။ သူမဟာ Qin HuiFang ရဲ့ ပုံစံကနေ Yan ChuFen ရဲ့ ပုံစံမျိုးသို့ ပြောင်းလဲသွားခဲ့သည်။
"ကိုယ် မင်းကို အတင်းအဓမ္မလုပ်ခဲ့တဲ့အတွက် ကိုယ့်ကို အပြစ်မတင်ဘူးမလား" သူမရဲ့ အမူအရာကို မြင်နေရပေမဲ့ သူက မေးမြန်းလိုက်သည်။
သူ့စကားကို ကြားလိုက်ရတဲ့အခါ သူမ ခဏတာ တိတ်ဆိတ်သွားသည်။ ထို့နောက် မျက်ရည်စက်အချို့ သူမမျက်လုံးထဲကနေ စီးကျလာသည်။ ဒီမျက်ရည်စက်တွေကို ကြည့်ပြီး ဖေး ရဲ့ ရင်ထဲမှာ နာကျင်သွားရပေမဲ့ သူကတော့ တိတ်ဆိတ်နေဆဲပင်။ သူမ မျက်ရည်တွေကို သုတ်လိုက်ပြီး "ကျွန်မ အရှင့်ကို အပြစ်မတင်ပါဘူး။ ကျွန်မရဲ့ ခန္ဓာကိုယ်နဲ့ နှလုံးသားက အရှင့်အတွက်ပဲလေ။ ဒါပေမဲ့ ကျွန်မလည်း မိန်းကလေးတစ်ယောက်ပါပဲ၊ မိန်းကလေးတိုင်းမှာ သူတို့ရဲ့ ပထမဆုံးအကြိမ်နဲ့ ပတ်သက်ပြီး အိပ်မက်လေးတွေ ရှိကြတာပေါ့"
"သူတို့က အတင်းအဓမ္မ ဖြစ်တာမျိုးကို မလိုချင်ကြဘူး။ အဲ့ဒီအစား ပိုပြီး ရိုမန်းတစ်ဆန်တာမျိုးကို လိုချင်ကြတာ။ ကျွန်မရဲ့ အိပ်မက်တွေကို ဖျက်ဆီးပစ်တဲ့ အရှင့်ရဲ့ သွေးမျိုးဆက်ကိုပဲ အပြစ်တင်မိပါတယ်"
ရုတ်တရက် လက်တစ်စုံက သူမကို ဖက်လိုက်ပြီး ဖေး က "ကိုယ် မင်းရဲ့ အိပ်မက်တွေကို ဖျက်ဆီးမိခဲ့ရင်တောင် တစ်နေ့ကျရင် မင်းကို စကြဝဠာထဲမှာ အပျော်ရွှင်ဆုံး အမျိုးသမီးတစ်ယောက် ဖြစ်လာအောင် လုပ်ပေးပါ့မယ်။ ကိုယ် မင်းကို အကောင်းဆုံး မင်္ဂလာပွဲနဲ့ အရိုမန်းတစ်ဆုံး မင်္ဂလာဦးညကို ပေးအပ်ပါ့မယ်။ စုလင်း၊ ဒီတစ်ခါတော့ ကိုယ့်ကို ခွင့်လွှတ်ပေးနိုင်မလား" ဟု ပြောလိုက်သည်။
သူ့စကားကို ကြားလိုက်ရတဲ့အခါ သူမရဲ့ နှလုံးသားက အများကြီး အရည်ပျော်သွားရသည်။ သူမ မျက်ရည်မကျတော့ဘဲ ပြုံးလိုက်ကာ သူ့ကို ပိုပြီး တင်းတင်းကျပ်ကျပ် ဖက်လိုက်သည်။ ထို့နောက် သူမဟာ ရွှင်လန်းတဲ့ အပြုံးနဲ့ သူ့ကို ကြည့်ပြီး "ကျွန်မ အရှင့်ကို ဘယ်တုန်းကမှ အပြစ်မတင်ပါဘူး၊ ဒီအရူးလေးရယ်။ ကျွန်မ အပြစ်တင်တာက အရှင့်ရဲ့ သွေးမျိုးဆက်ကိုပဲ" ဟု ပြောလိုက်သည်။
ထို့နောက် သူတို့ ခဏတာ တိတ်ဆိတ်သွားပြီး နောက်ဆုံးတွင် စုလင်း က "အစ်ကို ဖေး၊ ရှင် အချိန်ကမ္ဘာထဲကို ဝင်ချင်နေတာ မဟုတ်လား" ဟု မေးသည်။
"ဟုတ်တယ်" လုံးဝ မမျှော်လင့်ထားတဲ့ မေးခွန်းဖြစ်ပေမဲ့ သူက ခေါင်းညိတ်လိုက်သည်။
"ရှင် မသွားခင် သူ မွေးလာလိမ့်မယ်လို့ ထင်သလား" ရုတ်တရက် စုလင်း ပြောလိုက်တဲ့ စကားက သူ့စိတ်ကို တုန်လှုပ်သွားစေသည်။ ဖေး ဟာ တံတွေးတစ်ချက် မြိုချလိုက်မိပြီး "မ..မင်း.. ကိုယ်ဝန်.. ရှိနေတာလား" ဟု တုန်တုန်ရီရီ မေးလိုက်သည်။
စုလင်း က ပြုံးသာပြုံးနေသည်။ တကယ်တော့ သူမကိုယ်တိုင်လည်း ဆယ်ရက်အကြာမှာ သူမသားအိမ်ထဲမှာ အသက်ရှိတစ်ခုကို စတင်ခံစားမိချိန်မှာ အံ့ဩသွားခဲ့ရတာပင်။ ဒါကပဲ သူမ ဖေး ကို ဒေါသထွက်မနေရတဲ့ အကြောင်းရင်းလည်း ဖြစ်သည်။ ဘာပဲဖြစ်ဖြစ် ဒီအသက်ရှိသစ်က သူမဘဝထဲကို ကြီးမားတဲ့ ပျော်ရွှင်မှုကို ယူဆောင်လာပေးခဲ့တာကိုး။
"ဒါပေမဲ့ ဒါ ဘယ်လိုလုပ် ဖြစ်နိုင်မှာလဲ။ ကိုယ်က ၁၅ နှစ်ပဲ ရှိသေးပြီး မင်းက ၁၉ နှစ်ပဲ ရှိသေးတာ။ မင်း မှားနေတာ မဟုတ်ဘူးလား" ဖေး သူမကို အော်မေးလိုက်မိသည်။ သူ့မျက်နှာက ပန်းပွင့်တစ်ပွင့်လို ဝေဆာနေပေမဲ့ သူက လူမိုက်တော့ မဟုတ်ပေ။
"ရှင် မေ့နေတာပဲ၊ ကျွန်မတို့က သာမန်လူတွေ မဟုတ်ဘဲ ကျင့်ကြံသူတွေလေ။ သာမန်လူတွေရဲ့ စည်းမျဉ်းတွေကို လိုက်နာစရာ မလိုပါဘူး။ ကလေးနဲ့ ပတ်သက်ပြီးတော့လည်း ကျွန်မရဲ့ ခန္ဓာကိုယ်ထဲမှာ နောက်ထပ် အသက်ရှိတစ်ခုကို တွေ့ထားပြီးသားပါ၊ အဲ့ဒါ တခြားမဟုတ်ဘူး ကျွန်မတို့ရဲ့ ကလေးပါပဲ"
"တကယ်တော့ ကျွန်မရဲ့ ပင်ကိုစွမ်းရည်တစ်ခုကို ဆုံးရှုံးလိုက်ရပြီး အခုတော့ အဲ့ဒါက ရှင်နဲ့ ကျွန်မတို့ ကလေးဆီကို ရောက်သွားပြီ။ ဟုတ်ပါတယ်၊ ကျွန်မလည်း တစ်ခုခုတော့ ရလိုက်ပါတယ်။ ကံကောင်းတာက လင်းအာ က အရှင့်ရဲ့ သွေးမျိုးဆက် ဘေးထွက်ဆိုးကျိုးအကြောင်း ပြောပြလိုက်တဲ့အတွက် ကျွန်မရဲ့ ဝိညာဉ်အသက်စွမ်းအားတစ်ခုကို သုံးပြီး ရှင့်ကို ပေးလိုက်ရတယ်။ အဲ့ဒါက ရှင့်ကို နောက်ထပ် သွေးမျိုးဆက်တစ်ခု နိုးထလာအောင် ကူညီပေးပါလိမ့်မယ်၊ ဒါကလည်း ရှင့်ရဲ့ လက်ရှိကျင့်ကြံမှုကြောင့်ပါပဲ" စုလင်း က သူ့ကို ကြည့်ရင်း မျက်တောင်ခတ်ပြလိုက်သည်။
ဖေး ဟာ သူမ ဘာကို ဆိုလိုတာလဲဆိုတာကို လုံးဝ နားမလည်ခဲ့ပေမဲ့ သူ့ရဲ့ ဝိညာဉ်အာရုံကို သုံးပြီး စစ်ဆေးလိုက်တဲ့အချိန်မှာတော့ သူ အလွန်အမင်း တုန်လှုပ်သွားရသည်။
"Houtian နယ်ပယ်"၊ "ဝိညာဉ်အဆင့် ကိုယ်ခန္ဓာ"၊ "ကောင်းကင်ဖျက်ဆီးခြင်း သွေးမျိုးဆက်"၊ ပြီးတော့၊ ပြီးတော့ "ကံကြမ္မာ သွေးမျိုးဆက်" ပါတဲ့လား။